Әйелдер жұмыссыз емес!

07 Наурыз, 2019 431

"...Әйел күйеуінің үйінде бақташы әрі өз бақташылығына және балаларына жауапты" (хадис)

Бұл - қоғамдағы әйелдің орнын,әйел адамның лауазымын паш ететін ұлы хадис. Ерінің шаңырағы - әйелдің жұмыс орны, құлшылық ордасы, өзін нағыз ханым сезінетін салтанатты сарайы.

Үй шаруасы - еріккеннің не жұмыстан қолы бос адамның атқаратын ісі емес. Бұл-әйел адамның ең мансапты жұмысы. Әйел үйінің шаруасын атқара жүріп,құлшылық жасап жүргендей сауаптарға ие болады. Бүгінде көп әйел жұмыс істеуге, мансапқа құмар. Алайда,оның ең көркем құлшылығы үйінде ғой? Шеберлігін, пысықтығын көрсететін орта-өз шаңырағы емес пе?

Иә, егер шындап кіріссе, әйел адамның қолынан көп нәрсе келеді. Тіпті, оның үйде бірнеше мамандығы бар: аспаздық,отбасылық бюджетті реттеу, менеджмент, психология, дизайн, массаж жасау, алғашқы дәрігерлік көмек, бала оқыту т.б

Міне, үйде жүріп осындай маңызды істерді қатар алып жүрген әйелдерді қалай жұмыссыз деп айта аласыз?

Құрметті келіншек! Есіңізде болсын, үй шаруасы- құр шаршау  емес. Ақыретте сыйы бар үлкен құлшылық.

Өзіңіз ойлаңызшы, күйеуіңіз үйге асығады. Себебі, оны үйінде дәмді тамақ, таза үй, ашық қабақ күтіп тұр. Бір ер адамның көңілін тоқ қылып жүрген сіз құр шаршап жүрмін деп ойлайсыз ба?

Ата-енеңізбен тату -тәтті тұрып, ағайындар арасына алтын көпір болсаңыз, бұл әлеуеттің,елдің татулығына қосқан үлесіңіз емес пе?

Балаларыңызды иманды, сауатты, ұлтжанды етіп тәрбиелесеңіз, бұл-ел ертеңіне қосқан пайдаңыз!

Ендеше, ең маңызды істі атқарып жүргеніңізге мақтаныңыз                                                                                                                                                                                                                                 

                                                                                                                                                                    Дереккөз:asylarna.kz 

                                                                                                                                                                        Сурет: islam.kz

Пікірлер(0)

Пікір қосу