8 жасар ақтаулық шахматшы Ресей кубогын жеңіп алды

11 Наурыз, 2019 184

Ақтаулық 8 жасар шахматшы Назар Талғатов Ресейдегі халықаралық жарыста чемпион атанды, деп хабарлайды Turkistan.kz порталы Лада.кз сайтына сілтеме жасап.

«Дебют» шахмат мектебінің басшысы Әнуар Шайхымовтың мәліметінше, жарысқа Ресейдің түрлі өңірлерінен 200-ден астам ойыншы қатысты. Қазақстаннан барған жалғыз спортшылар - «Дебют» мектебінің шәкірттері Назар Талғатов пен Алан Тасмұханов болды.

Сегіз жасар Назар Талғатов 11 жасқа дейінгі санат бойынша 34 шахматшының барлығын басып озып, «Жеңіс кубогын» иеленді. Ол Марабаев атындағы №7 мектептің 2-сынып оқушысы. Әнуар Шайхымовтың айтуынша, бала шахматты өзінен жасы үлкендерге қарағанда әлдеқайда кәсіби деңгейде ойнайды. Спорттық бірінші разрядқа ие.

Сондай-ақ ол рапидтен (жылдам шахмат) Қазақстан чемпионатының қола жүлдегері, Қырғызстандағы халықаралық чемпионаттың алтын медаль иегері және «Aktau Chess Open» халықаралық турнирінің чемпионы.

Тағы бір ақтаулық шахматшы Алан Тасмұханов 13 жасқа дейінгі санатта алғашқы ондыққа ілігіп, жетінші орын алды.

Пікірлер(0)

Пікір қосу