Францияда қазақ баласы шахматтан чемпион атанды

07 Маусым, 2019 176

Turkistan.kz порталы. Францияда жылдам шахматтың блиц және рапид түрлерінен ашық чемпионат болды. 

Онда Қазақстаннан барған жалғыз спортшы Сауат Нұрғалиев алтын медальді жеңіп алды.

Чемпионатқа 539 спортшы қатысты. 

Сауат 14 партияда 9 рет жеңіске жетті. Сауаттан жеңілгендердің бірі – 22 жастағы ФИДЕ шебері франциялық Дудоньон Тибо (ЭЛО – 2292). 

«Қазір Сауат – елімізде шахматтан спорт шеберіне ең жас үміткер. Өткен айда ол қатарластарының арасындағы ЭЛО рейтингінде көш бастап, классика бойынша 9 жасқа дейінгі балалар арасында әлемнің үздік шахматшысы атанды», – дейді жас дарын иесінің бапкері Ержан Шәкенов. 

Франция ашық чемпионаты Ле-блан-мениль қаласында болды. Бір айта кетерлігі, турнир жас санаттарына бөлінген жоқ.



Пікірлер(0)

Пікір қосу